فتحوا الصندوق
خرجت منه كل كلمة حق
لكل أصحاب الحقوق
رتبوا الأوراق
زينوا صفحتك يامه
بكل الآراء
فتحوا الصندوق
هوى نسيمه عليل
وأمل مع أصواتنا
ولا تضليل
***
أنا دخلت أولى حضانة
وقلوبنا كلها عطشانة
ونفوس للحرية جعانة
حلفتك يامه تطولى بالك
طولى بالك شوية
على أخواتى وعليا
دا أنا لسة فى أول سنة حرية
ادينى فرصة أتعلمها
وأكتبها بأيدية
أدينى فرصة أعرف منها حقى
آخد منها رزقى
واعرف بداية حق اللى حوالية
يامه طولى بالك عليا
ادينى فرصة أكحل بها عنية
***
قلبت الصفحة طلت عليا التانية
عنوانها صوت فى ميزان عدل
مكتوبة بالعرق (الديمقراطية)
منها يامه علمينى
اسمع صوت غيرى قبل صوتى
إذا كان الكلام من دهب
فالحكمة فى إنصاتى مش فى سكوتى
طولى بالك ياست الكل
دا الإنصات للفهم مش منى ذل
رسولنا قال الكبير منا له توقير
والصغير مننا له مننا عطف كبير
ما هى دى يامه حلاوة الديمقراطية
وحياتك هكحل بها عنية
***
كمان شوية يامه طولى بالك
دا حالنا يامه هوه يامه حالك
العدل قمر فى كفتين ميزانك
والخير هيعم علينا شوية شوية
يزيد على الكل
فى عدالة اجتماعية
وتبقى أهدافنا ليكى وفيكى
على راسنا شمسية
واسمك يامه نسيج قلبى
دا حروف مصر دوا عنيا
أم الدنيا مهما طال الزمن
هتعيشى حلوة وصبية
صورة أرشيفية
مشاركة
اضف تعليقاً واقرأ تعليقات القراء
مشاركة
