فيسبوك
واتساب
اسمعوا آخـــــــــــرالأنباء
مسئول بيقول دا وبـــــــاء
والاسم العلمى بتاعــــــــه
أنفلونـــــــــــــزا الرؤساء
فيه فيرس جــــــن اتحوّر
يجــى ع الرؤساء ويشوّر
ع اللى بيسرق ويــــــزوّر
واللى معندوش أخـــــلاق
فيرس بيجيب م الآخـــــر
يدخل ع الحـــــاكم ساخر
ويقول له بذوق اتــــّــاخر
قبل مــــــــــاتقلب بخناق
اتـــــــــّــاخر يبقى بيفهم
اتــــــــــــــــأخر الله أعلم
المخفى ح يلحــــــق يندم
والــــــــــلا الفيرس سبّاق
ظهر الفيرس فى ينايـــــر
متعكر دمـــــــــه وفايـــر
كـــان خامل وصبح ثاير
واتمرد ع التريـــــــــــاق
حكـــــــام وخيبتهم مايلة
أكلوهــــــا سليمة وسايلة
أولهم كـــــــان جوز ليلى
وتانيهم كـــــــان أبوعلاء
جــــــوز ليلى فهم متأخر
بوعــلاء م الخضة اتبخر
والفيرس كــــــان متسخر
لا مجــــــاملة ولا استثناء
دخـــل الفيرس ع التالت
ودا كـــــان مختل وفالت
مـن عقله الحكمة اتشالت
وأهو راح وكأنه ماجــاء
والرابــــــع سوّف ماطل
وخلط بـــــــالحق الباطل
وآخرهـــا ح يقعد عاطل
وح يلجــــــــــــأ للأعداء
وخــامسهم لأ مش طيب
دا حلف بـــأبوه مايسيب
إنما ح يطب قـــــــــريب
والمفتى خـــــــد الأوراق
ويـــافيرس أجرى شوية
فيه دولـــــه عزيزة علىّ
جـــار اللى حاكمها وهى
أصغر من حى بـــــولاق
أرجوك مش عايزه يعدى
وديـــــــه مطرح ماتودى
وان كنت يــافيرس مادى
تبقــــــى الثورات أرزاق
مبارك
