فيسبوك
واتساب
أنا حاوى لكن حالف
أطلع على جتتكم البلا
أنا حاوى لكن غاوى
أقلب عيشيتكوا بهدله
اتفرجى يا بنت
وشوف يا وله
مسرحيه ف الكوميديا
فصولها مهزله
ف المط والتطويل
حلقات مسلسله
وفضيحة وسط الخلايق
أصواتها مجلجلة
أقلبها لكم ف ثانية
تفاحه معسلة
جلا جلا
اتفرج ياشبل
على نوم سبع الفلا
فات لكم سبع الفلا
الأمه مهلهلة
وكتير م الغلابة
حالتهم قندله
وفات جوا الميدان
يتيمة وأرملة
ورصاصة جوا قلبك
وديون مجدولة
مين فيكوا شهم
يحل المعضلة
جلا جلا تتحل المسألة
الحق ع الشهيد
وشجاعته المذهلة؟
ولا ف الرصاص
وزخيرة مشّكِله؟
الحق ع الرؤس
وعيون مزغللة
شافت الرصاص
طعمية مفلفلة!
أما ف الديون
خاناتها مقفلة
جلا جلا
قضيه مفشكلة
براءة لسبع الفلا
من تهمة منيلة
وحبس للجميع
ف ديوان المغسلة
مع مسح للعقول
وغرامة متلتلة
فلوس
