فيسبوك
واتساب
أصحاب الفخامة أصحاب الجلالة
عـــارفكم شبعتم عيادة وقــــــوالة
كــــــرهتوا الملامة وسب اللمامة
وكلمة خيانــــــة وكلمة عمالـــــة
لكنى بصراحـــــة بشوف الإباحة
معاكـــــم مباحـــــة وعين العدالة
صحيح السياسة دى فــــن السفالة
ولو تسمحوا لـــــى أضيف الندالة
شاهدنـــا معاكـــم صنوف الهزايم
شربنـــــا المهانـــة لحـــد الثمالة
وصرنا ف عيون الأعــاجم بهايم
وأنشط مافينا زعيم الكسالـــــــــى
وسيرة بــــــلادنا فضيحة بجلاجل
وبين العوالم عـــــــــالم عــــــوالة
عروبــة ركوبـة وخنجر وطوبــة
ومعزة بترعى فـــى مقلب زبـــالة
وعشق الكــراسى لأنـــــه الأساسى
كرامـــة شعوبكم مجـــــــرد كمالة
وكله مــــــــأبد وعــــــــــايش ممد
ورافض يحــــدد ميعاد الإحـــــــالة
محـــــــدش يفكــــــــر يسارع يبدّر
ويكتب بخطه قـــــــرار استقـــــالة
وأدينــــــا مطية ولقمة طريـــــــــة
وأكبــــر هفيــــــة لأسوأ سلالــــــة
جامعة الدول العربية
