فيسبوك
واتساب
نظارة سودا فوق عيون مغيمة
نظرة تايهة متحيرة ومعتمة
نظارة سودا بفكرة سودا بتشدنا
الكل مصرى بنعمل إيه فى بعضنا
بنقتل فى روحنا بنحرق تاريخنا
بنهد بيتنا صحينا بكابوس من حلمنا
إيه يا مصر إيه جرى لك
أحوالك مالها متلخبطة خطوط غريبة وشخبطة
نظارة سودا وفكرة سودا بإيدين خفية بالخيانة متلوثة
جاية تخرب أرضنا
فتحت سجون زادت ديون وخرجت وشوش مش وشنا
ولاطبعنا.. إحنا الأصالة فى دمنا ودى أرضنا وعرضنا
ده بلدى مصر
واللى يسيبك أو يفرط يوم فى حقك مش مننا
نظارة سودا عايزة تحقق حلمها دفعت فلوس زقت نفوس تشبه لها
أديت حريق قفلت طريق كان فى يوم ضدها هدمت أثار خليتها نارمن فوقها لتحتها
بكرة يومك وهتندمى ومن وحدتنا تتعلمى وهتعرفى إيه يعنى مصر وشعبها
هاتدوس عليكى بكعبها لما توصل للسما
واتألمى اتألمى لو حتى فى ترابها هتترمى
يحرم عليكى أرضها لو حتى تمشى فى يوم عليها
مالكيش مكان وسطها ولا برها ولا بحرها
صورة أرشيفية
