مش ناقصة منـــــــك فهلوة والشحن فى النـــــاس عالهوا
وبتستضيف واحد ظريــــف أصفر صفــــــار مالهوش دوا
وبتبتدى بحلو الـــــــــــكلام وتثير قضية رأى عــــــــــــام
والضيف فى غاية الانسجام والله أعلم بالْنــــَــــــــــــــــوى
وبتبدأ إنت الأسئلـــــــــــــة والنيـــــــــــــــــة سودا منيلة
تفهمها حتة عيلـــــــــــــــه ومعاها كل اللى انكــــــــــوى
دايما تخالف رأينــــــــــــــا وبتستخف بعقلنـــــــــــــــــــا
هو إنت مصرى زينــــــا! ولا إحنـا مش عايشين سوا!
دكتور تخصص فى الفتــــن بتصيد مريضك فى المــــــحن
وتقُطع أوصـــــــــال الوطن يامــــــــــــــا الوطن زيك أوى
كانت نــــــاس كتير زيك كده فاكره إن هى مـــــــــــــــأبده
دلـــــــــــــوقتى عند السيدة والانبهـــــــــــار راح وانزوى
يـــــــــــــاريت تغير لهجتك وتصحى فيــــــــــك مصريتك
وتحب مصر اللى ادتـــــــك حق التــــــــــــــحدث عالهوا
يارب تحفظ مصرنــــــــــــا لجل الغلابة المؤمنـــــــــــــة
كف الأذى عن شعبنـــــــــا من عهد بايد وانـــــــــــطوى
صورة أرشيفية
مشاركة
اضف تعليقاً واقرأ تعليقات القراء
مشاركة
