كان الطريق طويل
سمعنا فيه للكلاب عويل
كان الجو حار
والكل حران
حيران
نادى الجار
على كل الجيران
تعالوا نزرع شجرة
قالوا إزاى
دول حولوا حياتنا لصحرا
قال مفيش لإرادتنا مستحيل
تعالوا نزرع والخوف مننا
نشيل
وزرعنا شجرة من سنة
رواناها بالأمل
طرحت وطرحها لسه مانطجكش
قلنا صبرا عليها
دا دم ابنى فى الميدان لسه مانشفش
ماهى بتتغذى بدم كل أبطالنا
هتكبر وهتحقق كل أحوالنا
وهناكل من طرحها وهتزول أحزاننا
على فكرة مفيش أسرع من الأيام
فاتت سنة فى غمضة عين
مات فيها الخوف وهرب منها الظلام
ودا أول الصبر
رضا من ربنا ولخواطرنا جبر
وهيهل الخير علينا
وهيروى العطشان
بحبنا لامنا جوه البرلمان
وهيستوى طرح الشجرة
وهنحلب البقرة
وهيشبع كل جعان
وهنبقى إحنا الأمن لها
وهى لنا الأمان
وهنردد كلنا بالحب
حى على الفلاح
فى المصنع
فى الغيط مع الفلاح
وهنحقق فى كل خطوة نجاح
وهتكبر الشجرة
بعزيمتنا نرويها
من الفساد نحميها
ولأولادنا نهديها
وهتكبر بنا الشجرة
وهتكبر لنا الشجرة
ولكل واحد مننا من ثمارها
ثمرة
***
صورة أرشيفية
مشاركة
اضف تعليقاً واقرأ تعليقات القراء
مشاركة
