فيسبوك
واتساب
حبيبتى "اليوم السابع"
زى القمر إللى طالع
بتقوللى أخبارها
وجميله أفكارها
وأنا قلبى حقيقى معجب
مقدرش أنكرها
وبقولها وكله سامع
حبيبتى "اليوم السابع"
زى القمر إللى طالع
..
شايله هموم الناس
وف قلبها إخلاص
لما بتتكلم
أنا منها بتعلم
وبقول ياسلام وسلم
ع الصدق والإخلاص
عايشه علشان هدف
ماسكه قلمها بشرف
كتبتلى رسالتها
وقريتها حبيتها
بصيت فى قلبى لقيتها
يامحاسن الصدف
وقالتلى أخبارها
وجميله أفكارها
وأنا قلبى حقيقى معجب
مقدرش أنكرها
وبقولها وكلة سامع
حبيبتى "اليوم السابع"
زى القمر إللى طالع
..
كتبت سطورها كلها
بنور عنيها وكحلها
قويه وجريئه
وبتقول الحقيقه
ونفسى لو دقيقه
أسيبنى واروح لها
جميله "اليوم السابع"
والصدق فيها طابع
الأم مصرية
والمهنه حريه
ودى كلمة حق عليا
وكلام من قلبى نابع
بتقوللى أخبارها
وجميله أفكارها
وأنا قلبى حقيقى معجب
مقدرش أنكرها
وبقولها وكله سامع
حبيبتى "اليوم السابع"
زى القمر إللى طالع
لوجو اليوم السابع
