عارفين أنا ليه نزلت الميدان؟
علشان ما بقتش آكل لحمة زى زمان
إشمعنى غيرى يركب تاكسى وأنا فى أتوبيس
"أتمرمط" فى الطوابير وهو يبقى عادى "بيس"
علشان مش لاقى أدفع حق الميه والنور
مربوط فى الترس زى التور
علشان لازم أدفع البقشيش
وأنا أصلاً مش لاقى حق رغيف العيش
الله يحرق التعليم المجانى
اللى حولك لكائن تانى
علشان مش عارف أجيب الدوا
و قلبى من الفقر خلاص أتكوى
وعلشان بقى حلمنا نهاجر
فلمجهوداتكو أنا شاكر
يعنى مش نازل أحتفل و"أهيس"
قولى بقى... أنت عايش كويس؟؟
صورة أرشيفية
مشاركة
اضف تعليقاً واقرأ تعليقات القراء
مشاركة
