فيسبوك
واتساب
عم يابتاع الأنابيب
ليه بقيت كتير بتغيب
عنى وتسبنى مستنيك
كأنى مستنى حبيب
عم يابتاع الأنابيب عايز أنبوبة
تكون مليانة وماتكونش معيوبة
وياريتك تديهالى بسعر معقول
وماتستغلش الأزمة وتعملك سبوبة
عم يابتاع الأنابيب ياماشى دوار
ف شوارعنا ف أمرك أنا محتار
بليل بتنادى إللى عايز أنبوبة
وتسبنى عليك أدور طول النهار
عم يابتاع الأنابيب دا أنت ياما ذلتنى
عشان الأنبوبة وف الأزمة استغلتنى
خلاص هانت بكره يدخلى الغاز
وأنساك ياعم زى ما كتير نسيتنى
صورة أرشيفية
