فيسبوك
واتساب
يا صاحب الكرامة.. نظره ياغالى
مسالم وساكت ودايما ف حالى
بلغ سلامى لصاحب المعالى
إدارة وشطارة وراجل مثالى
صاحب الكرامة..
يحلل يهلل يطبل بدالى
يفتى ف مسائل ويهمل سؤالى!
يغامر يناور ويفضح ف حالى
كأنى دبيحة فى معرض بينالى
ف بؤسى وفقرى دايما يبالى
يعرض فضائى ويشرح ليالى
لجل العمولة تطير ف العلالى
يحاور يجاور أخينا السياسى
وابعت رسايل وارسل تماسى
عايش لحالى وداخلى الأساسى
يكفى فاميليا عددها خُماسى
وفايض وزايد وواجع ف راسى
ونفسى ف تكية وطقمين كراسى
وبِركة وصبية وكبشة شماسى
مُرفه ف بيتى وعايش أواسى
جيرانى وحبايبى وأهلى وناسى
بكنبة وصينية ومفرش رصاصى
وشبشب مقطّع ياليته مقاسى
أصّيف وأهيّف والمع مداسى
ف قبرص وطنطا وأسافر كوماسى
صاحب الكرامة
يحلل يهلل ويشغل حواسى
ليلاتى يلاغينى وياكل ف راسى
وصاحب المحطة عاملنى هفية
افرق فلوسى وابعزق ميراثى
يغرى ف جنابى بإعلان سودانى
وإعلان بطاطس يدغدغ حواسى
بطاطس بطاطس تعيش البطاطس
وصاحب الكرامة راجل أساسى
وأفضل ف أهلى أطبطب واواسى
توبى مقطع وقالع........... وناسى
صورة أرشيفية
