فيسبوك
واتساب
فى آخر أنفاسه
أحنى الشهيد رأسه
فم الشهيد المجيد
ضم العلم باسه
ما بين دموع الحزن والأفراح
دارى الشهيد كل الجراح
نظر نظرة وداع وراح
مات الشهيد ومات إحساسه
ملقاش الشهيد حد من أهله
بلل شفايفه بميه ولا ناوله
درع البطولة ولفه من حوله
داس العويل رأسه بمداسه
يا عيب الشوم علينا حتى الآن
لا فرحنا ولا نجحنا ولا دبحنا زمان
فاضله الآفاعى حيه زى م كان
كان الكلام خلع النظام من أساسه
نم يا شهيد وإياك تتعجل
مفيش جديد هنا والمحكمة بتأجل
فاضل سنين عما الحكم يتسجل
إهدى كده وسيب القاضى فى نُعاسه
فقد الشهيد عمره وخاب أمله
فينا يا مصر فى عصر كان أمله
يموت الظلم والظالم اللى عمله
إمتى الحقوق ترجع ليه ولناسه
نام الشهيد ودمعته على خده
الدمعه شمعه نورت قبره
خافوا الشهيد لو إنتهى صبره
لسه القلم باقى على كُراسه
يا أم الشهيد إبكى إبكى ونوحى
احكى وفضفضى يامه وبوحى
قولى كل الكلام لقلبى وجروحى
ولا تزعلى الخونه كلهم احتاسوا
مبارك
