يا دولة الظلم سلام جه وقت الحساب
مفيش بينا كلام فات وقت العتاب
دوقتينى سنين آلام ف بلدى غربة وعذاب
آن الآوان نتحاسب على امبارح
يا دولة الظلم جاتلك خلاص ساعة
واتفضح المستخبى ورا مظاهرك الخداعة
مفيش حاجة ف عمايلك تقفلك النهارده شفاعة
ولا فى حاجة تخلينى أسامح
يا دولة الظلم مكانك ورا القضيب
اللى ف عهدك سكنته محبوس ف بلدى غريب
لا كنتى ليّا حبيبه ولا هبقى ليكى حبيب
دوقى شويه أحزانى
يا دولة الظلم يا سارقة ملايينى
وبايعه برخص التراب أرضى وطينى
إن كنتى زمان بظلمك حكمتينى
فأنا النهارده غيّرت عنوانى
مبارك
مشاركة
اضف تعليقاً واقرأ تعليقات القراء
مشاركة
