نور صلاح الدين محمد يكتب: عملوها الولاد

فازوا الولاد والبائد اتخلع بفوز الولاد
والثوار بقوا نيران نيران من غير رماد
وكسبت ايه غير الندم فازو الولاد
وهتعمل ايه غير الندم طالت نومتك والسبب الشبان
وكفايه بقى تطويل المحكمه وخاينين للثوره بيهتفوا للجبان
يما كنت اتمنى تتنحى بكرامه اول بكلمه شكر او حتى ابتسامه
بس انا نسيت الابتسام تلاتين سنه بالتمام
والزمن بينسى حقد وكره حتى لواحد جبان
ان كان على محاكمه الحقير ستاير النسيان نزلت بقالها زمان
عشان دى مسرحيه بطلها القط الجبان
كسبت ايه غير الندم فازوا الولاد
الليل وصحوة الثوار تصحى الليل
وعشان نمشى من الميدان رجع شهداء الميدان
وهاتلى ثورى لا مات ولا خر دم ولا اتسحل فى الميدان
الثوره هتنجح هتنجح وان مات ثوار كمان وكمان
الشعب هدر دمه لنجاح الثوره مهما تضغط وتزيدنا حرمان
حرمان من الحريه والعداله والعيش والامن والامان
حتى من غير الامن هتنجح لان ربنا مع الحق والميدان
المصرى طول عمره بيشقى ويتعب وماينام همدان
دا المصرى طول عمره عظيم وحفر قناته بالصخره بس ده كان زمان
ارجع يا بائد عن اللى فى دماغك لا تتعدم فى الميدان
كلنا نموت فدا مصر بلدنا لنجاح ثورتنا وده طبعنا من زمان
اوعى تكون نسيت ثورة 19 اللى مات فيها رجاله وكمان نسوان
ياويلك من الشعب ثورتنا هتنجح وانت هتموت جبان
وممكن يحصلك جنان