فيسبوك
واتساب
برىء
من كل أيد تشعل حريق
من كل صوت سمم رسالة
خان فى الأمانة
شق الصفوف, قسم الفريق
برىء
من كل أيد قتلت صديق
من كل غافل ساب مُدان
من كل طايش فى الميدان
شل الحياة, سد الطريق
برىء
من تهمة الدم اللى سال
من حرقى فى المال الحلال
مهنتى, إنقاذ غريق.
أنا أسمى ثائر
كُنيتى, حامى الحرائر
أنا رايتى طِلعت بالسلام
أنا فعلى قام, خرس الكلام
برىء
اختيارى شىء مضىء
صاغ سليم
فى الميقات الصح باسعى,
فى الطريق المستقيم
قبلتى معلومة واضحة,
شمس ساطعة
حاملة نور يعمى المُسىء
برىء
أنا مش خراب
أنا ابن بطنك من تراب,
أرضك جنانى, مش عذاب
أرضك ميدانى, فى الكتاب
أنا الجرىء
على كل أيد تقتل برئ
برىء
الشاعر حاتم إبراهيم
