فيسبوك
واتساب
راحة عينيه
أنى أشوف فى الكون مقامك
راحة عينيه
لما اشوف الليل بيهرب
من شروقك
من أذانك
راحة عينيه
إنى اروح واديكى صوتى
إنى اجيب حقك بموتى
ترجعى لابسه الوشاح
راحت عينية
من إيدين شايله السلاح
قولتها وبأعلى صوتى
حقى راجع بالكفاح
راحت عينيه
لاجل متشوفى النجاح
لاجل ما تردى سكوتى
عن نفوس تهوى النباح
قالوا ساقط من سفاح
واسحلوه ويا اللى راح
قلت عينى نور فى شَارْعِك
ترسم الحرية َشْرعِك
تحمى ظهرك من الجراح
مهما كان الليل.. مخيف
مهما كان الضوء.. خفيف
مش هاكون جنبك كفيف
مش هاعيش فيكى الضعيف
عِرضى فيكى مستباح
كم شهيد باعلك حياته
واشتراكى بالكفاح؟
مش خسارة !!
مش خسارة عيون راحتلك
طرحة نورها فى البراح
مش خسارة
الف عين تتأد فى ليلتك
تغلب الليل بالصباح
ميت حرارة
ميت حرارة فى الميدان
بيردوا غيبتك
رغم بطش الاجتياح
زفوا مجدك
جابوا هيبتك
فوق جبينك فجر لاح
فوق جبينك فجر لاح
حاتم ابراهيم
