فيسبوك
واتساب
صباح جديد برومانسية وأنا فى الأراضى المصرية
وحشتنى مصر أيوا أنا عارف واللمة ساعة عصرية
وحشتنى مصر أم الدنيا بلد الأمان والحنية
فى صيف فى شتا جوها جامد لو حتى لابس جلابية
صباح جديد برومانسية
للفلاحين ده صباح مخصوص ومهندسين وصنايعية
وللست سعدية جارتنا وأم العيال والجامعية
وصباح جديد منى لجيشنا فى مصر هو اللى حارسنا
وصباح جديد بعد الثورة وللبرلمان أول دورة
دورة نظيفة ومعروفة بالنزاهة المصرية
صباح جديد وأنا فى المجلس ولكل عضو قبل ما يجلس
يحلف يمين كده من قلبه وبالأمانة يخدم شعبه
صباح جديد برومانسية على الصحافة الحقيقية
ولا بتزود ولا بتنقص ولا فرقعة إعلامية
صباح جديد وصباح أصلى والفرحة بدأت ترقصلي
وخلاص وصلنى اللى ناقصلي
صباح جديد حتى المسا كل ناسنا كويسة
مش فارقة فرخة أو ضانى ولو لقمة بملح مغمسة
الكل عايش واكل شارب وما فيش بيات من غير عشا
صباح جديد برومانسية
بلد الأصالة والرجالة والحضارة الأبدية
أم الشعوب العربية.
صورة أرشيفية
