عيد ميلادك يا حرية تمنه غالى
لما يدفعه كل مصرى عاش فى عهد الظلم كافح
وبعزيمة وبرجوله وفى شهادته كان مثالى
عيد ميلادك يوم تاريخى
يوم ميلاد كل البشر
اللى لازم يتكتب بحروف مترصعة بمعدن نفيس
قول بلؤلؤ أو زمرد أو بدم مصرى غالى دم صابر أو عزيز
عيد ميلادك صحى جرحى قال لفرحى
النهاردة يوم ميلادك خد ولادك وفى ميدانك الشهير
ضعوا أكاليل زهور فوق تراب دم الشهيد
بدلوا الضلمة نور قوله حقك يا رفيقى عاد أكيد
وأنتى ياما امسحى دمعة عيونك
ارمى حزنك اللى دبل ضحكتك بسمتك رعشة جفونك
دم أخويا أو صديقى كل مصرى مات حقيقى
هو أبنك حقه راجع يحصدوا أحفاد ولادك
وقوللهم الحقيقة حفزيهم على الشهادة
لو قلاع الظلم بانت أنتى بالرجال ولادة
والله درس ما يتنسى طول السنين
للى عنده نخوة حاكم إده عهده لشعوبه باليمين
لو قالولى فين مكانك وأنت قائد
أقول مكانى قبل قبرى بين حبايبى فى صفوف الغلبانين
علشان يفكرونى إنى راجع لحسابى وبحمولى وبميزان الحق
وبرحمة ربنا أتمنى أكون فى جنات النعيم
وفى ميلادك يا حرية أقولك أنتى غالية للى يصونك
ويعرف حدودك ويلتزم حقوق الآخرين
ولحبايبى أسر الشهداء فى مصر وكل مكان
أقولهم إحنا ولادكم وكل سنة وأنتم طيبين
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة