عبد المعين جبته يعينى جاب همومه وشيلنى
عشمنى ياما إنه يصلح واللى ماينفعش يروح
من كتر ما شبعت وعوده من همى بامشى باطوح
عبد المعين ما تشوف لك حل الشعب صبره نفد منه
والعيشة كلها صبحت خل
مستنى أهوه سنة بحالها على اللى يجى ويعدلها
عبد المعين جبته يغير حط أيده على خده
يكلم فى نفسه ومتحير
عبد المعين كتر خيرك والله عارف إنك أحسن من غيرك
عارف كمان إنك وطنى ووجودك معايا يعنى ظبطنى
عبد المعين جبته يعينى من طيبته لسه بيسألنى
عبد المعين مش عايزة حساب ولا عايزة حاوى يكون بجراب
عبد المعين راح زمن الخوف وبعينك أنت بص وشوف
اللعب كله صبح مكشوف وأنا بكتب ومش مكسوف
عبد المعين أعمل معروف
أنا شايفك أنت من صغرى واللى اعرفه عنك دوغرى
دوغرى بجد ومافيش فرق بين سبت وحد
العملية مش صعبة محتاجة بس شوية شد
صورة أرشيفية
مشاركة
اضف تعليقاً واقرأ تعليقات القراء
مشاركة
