سامح لطف الله يكتب: لسه ما تمت مهمة

المخبى نفسى أشوفه
بيقولوا تالت إيه ظروفه
ليه مدارى وليه مخبى
دمنا حنة ف كفوفه
***
يوقعونا ليه فى جيشنا
يكفرونا ليه بعيشنا؟
يقتلوا فينا البراءة
يخطفوا ضلة عريشنا
***
يا شباب صحصح وفتح
انسى طيبه وكون مدردح
اوعى حد يدوس عليك
والشيطان ما تسيبله مطرح
***
ثورة عايزة إيدين ولمه
عايزة منا كل همه
الشهور عدت وفاتت
لسه ما خلصت مهمة
***
عيد ميلادها جى بكره
إيه ف راسك قوللى فكره
والخبيث ورا باب وراقد
خشيته من لمس أكره
***
لو يصيد.. فى ميه عكره
لو يهاجم .. خطة ماكره
يولع النار فى الميدان
جوة قش كأنه إبره
***
لهو خافى ما عين تشوفه
شعر ما تميز حروفه
والخليل أسلم ضناه
وإسماعيل يفديه خروفه
***
انفلات فى كل حته
بلطجية إيه الروشته؟
الطبيب غلبان يا روحى
والدوا ما يلم جته
***
المخبى خلاص هشوفه
والشباب نظم صفوفه
للمصانع راح يشغل
والخسيس هيموت بخوفه