حزب "النور السلفى" يدعو المصريين لتأسيس بنك للدواء

دعت اللجنة الصحية بحزب النور السلفى، جميع المصريين لتأسيس بنك للدواء، وقالت اللجنة فى بيان لها على صفحة الحزب الرسمية، دعوة لكل المصريين، من اللجنة الصحية بحزب النور بالجيزة لإنشاء بنك النور للدواء لنصل لتكوين بنك النور للدواء لخدمة المريض المصرى.

وأضافت: لو أنت مش طبيب، وعندك أدوية فى بيتك لا تستخدمها، ولو أنت طبيب وعندك عينات مش محتاجها، ولو أنت صيدلى وبتجيلك عينات مجانية أو تقدر تدينا الدواء بنسبة خصم جيدة، ولو أنت مدير مركز طبى أو مستشفى خاص وتقدر تدينا أدوية سحبها قليل عندك، ولو أنت مندوب دعاية أدوية أو مدير فى شركة أدوية وتقدر تدينا أدوية عينات مجانية، ولو أنت إمام مسجد وعندك أدوية تبرعات ومش عارف تتعامل معاها إزاى اتصل بحزب النور.