فيسبوك
واتساب
سيد قراره السنة دى فيه الشيوخ ناجحـــــين
وكلهم بالدقون متفقهين فى الديــــــــــــــــــن
اتعركوا عند اللجان واختلفوا على الأصوات
وفى حبهم للكراسى كانوا متفقــــــــــــــــــين
…
دارسين حديث النبى وعارفين حلال وحــرام
ولسان يخر العسل ويخر بعده كـــــــــــــــلام
وعندهم الكلام ينفع على الوشــــــــــــــــــــين
وكل شىء له تمن فى تجارة الحكـــــــــــــــــام
…
أيه دخل الدين فى مجلس شعب فيه سياسات؟
دا (معاوية) ضرب (الحرم) بالمنجانيق الوفات
حتى (الحسين) الحبيب عتــــــرة (رسول الله)
فى (كربلاء) بالسيوف ضربوه لحد ما مـــات
…
يعنى السياسة صراع ولا دين ولا أخلاق
وتاريخ جميع الأمم مكتـــــــوب على الأوراق
بيقول بإن السياسة مفسدة للديــــــــــــــــــــــن
وإذا خدعت البشر ما هتخدع الخـــــــــــــــلاق
…
واللى يقول غير كده يبقى البعيد كــــــــــــداب
وادرس تاريخ الأمم إغراب على أحباب
هتلاقى شغل السياسة أساس خراب الــــــــدين
واللى هيروح للقصور بيفارق المحــــــــــراب
…
صورة أرشيفية
