أيه رأيك لو نرجع تانـــــــى لحكومة الباب العالــــــــــــى
أو نبقى تراكوة وخـــــلاص ونروح اسطنبول طوالــــى؟
بصراحة الدولة التركيــــــة محترمة وقادرة وعافيــــــــة
عايشة فى الدنيا بكرامــــــة وعلمها دايما فى العالــــــــى
…
إيه رأيك نلبس طرطــــــور وندق على قفانا عصفــــــــور
ونغمض ونمشى نلطـــــــش علشان الباشا الغنــــــــــــدور؟
بيحط حراسة على سفــــارة حكومتها غبية وغــــــــدارة!
والأدهى بعرق أولادنــــــــا بيشيد ويعلى الســـــــــــــور!
…
أيه رأيك فى العلم المصـرى لو نصبغه كده أسود فى أسود
وبدال النسر اللى عليــــــــه نرسم ندابة بتعــــــــــــــــــدد؟
وبتلطم على ناس نايميـــــن من يوم الثورة تايهيـــــــــــــن
والقاتل اللى بيتحاكـــــــــــم فى سريره نايم ومــــــــــــــدد
…
أيه رأيك لو نلبس ديـــــــــل أو عمه ليها زر طويـــــــــــل
ونحط حداوى فى رجلينـــــا وجرس فى قفانا وشخاليــــل؟
علشان المجلس يرتـــــــــاح ولا يشغل باله كل صبـــــــاح
بالثورة وشباب الثـــــــــورة وكفاية علينا ألف قتيــــــــــــل
…
أيه رأيك أنا كده هتجنـــــــن وهموت من كتر التفكيـــــــــر
اخترنا (عصام) من وسطينا وأملنا يقوم بالتغييـــــــــــــــر؟
ولا غيّر حاجة ولا بــــــــدل ولا حالى وحالك اتعــــــــــدل
أنا خايف نطلع فى الآخر أنا وأنت اللى طلعنا حميـــــــر
د. عصام شرف
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
رحمه رجب
لا تفقد الامل ايها الشاعر فا الله موجود
عدد الردود 0
بواسطة:
عبداللطيف أحمد فؤاد
ما يصحش الشاعر يكون مش فاهم سياسة
عدد الردود 0
بواسطة:
عثمان
جولز عتريس من فؤادة باطل
عدد الردود 0
بواسطة:
د. طارق النجومى
على قد المحبة يكون العتاب
عدد الردود 0
بواسطة:
fifi
] uwhl avt
عدد الردود 0
بواسطة:
سحر الصيدلي
صدق المشاعر