فيسبوك
واتساب
نزل العلم من ع السفارة
والناس باتوا سهارى
يحتفلوا بالبطل
اللى أتسلق العمارة
نزل العلم وكل اللى بات
احتفل يوميها بأحمد الشحات
وقالوا هوده البطل المصرى
اللى اتسلق ورفض السكات
نزل العلم وأحمد الشحات
أتكرم م المحافظ بجايزة بالألوفات
ده غير إنه بقى مشهور
وبيحضرمؤتمرات
نزل العلم وابتدت المشاكل
وظهر ف الصورة مصطفى كامل
وقال الشحات ماكنش لوحده
وإن هما الاتنين كانوا زمايل
نزل العلم واللى نزله بيقاتل
خايف ليضيع منه حقه ويتاكل
وبقى الموضوع بالنسبة له حياة أو موت
يا يخرج منه مقتول يا يخرج قاتل
نزل العلم والكل مستنى الأمر يتحسم
ويبان مين المظلوم ومين اللى ظلم
وخايف لنصبح يوم على واحد تالت
بيقول لا أنا اللى نزلت العلم
أحمد الشحات
