قلبى مش حاسس بعيد
لجل عيونك يا أم الشهيد
دا ابنك لما مات فات فى قلوب الصغار
جرح ما يطيب ولا حتى بألف عيد
اوعى تظنى إنك وحدك حزينة
وإن قلبك وحده اللى مش سعيد
دا لو بصيتى فى عيون الأولاد تشوفى الشهيد
ولو سألتى أى طفل النهارده أيه؟ هيقول الشهيد
حتى اللسان يا غالية اتلخبط وقال شهيد
اوعى فى لحظة تحسى إن وحدك أم الشهيد
أو تحسى إن المحروسة حسه النهارده بعيد
الله يصبر قلبك الله يرحم الشهيد
الله يكسر كل اللى كان له إيد
سهمت فى بُعد أخويا الشهيد
وكسرت قلبك اللى كان عمره سعيد
بفرحة هلال حلول العيد
اسمحيلى أكون لك يا أمى ابنك
وأبوس إيدك وأقولك عيد سعيد
وأبعت رسالة لخويا وابنك
عيد سعيد يا أجمل شهيد
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة