راضى على حسين يكتب: جايه تعاتبى؟!

عيونك عنى تاهــــت = ومشيت وحدى الطريق
والضحكه لونها باهت = والشوق يصرخ غريق
والليل يفرد ستايــــره = ألقى القلب ف حريـــق
عيونك عنى سارحــه = وفيها كتيركلام
والكلمه حروفها جارحه = خنـــــجر صحى الألام
لو كان نفسك فى بُعدى = رُوحى بمليون ســــلام
مهما عيونك تخــــبى = ومهما تدارى الحاجات
أنا حاسس شئ فى قلبى = ينطق بس ف ســــكات
إنك خلاص نويتـــــى = تقوليلى الحب مــــــات
ف عيونك غدر واضح = والرمش مالوش أمــان
كدبك مكشوف وفاضح = وانسيتى سنين زمـــان
جايه دلوقت تعاتـــــبى = طاب مين فينا اللى خان؟!