سيد أحمد الهمشرى يكتب: امسك فى الثورة

أمسك فى الثورة ومتسبهــــــاش علشان دمك ما يروحش بـــلاش
خلينا مع بعض الأيد فى الأيـــــد علشان الخوف ما يفرقنــــــــاش
وبلاش نتزاحم فى الطوابيــــــــر الخير بالحب ها يبقى كتيــــــــر
دا الدنيا ما بين المتخاصميـــــــن تافهة ورخيصة وما بتســـــواش
......
أمسك فى الثورة وما تسبهــــاش وبروح الثورة عيش على طول
الصبر زمان حرق الدكـــــــــان خلى الأيام شىء مش معقــــول
وأنا وأنت يا صاحبى بقالنا سنين على لقمة بملح يا دوب عايشيـن
وأدينا بقينا كُبار ثــــــــــــــــــوار حطينا صبعنا ف عين الغـــــول
......
أمسك فى الثورة وما تسبهــــاش وتعالى معايا فى حضن النيـــــل
راح نبذر ورد وقمح كتيــــــــــر وهانجنى القطن أبو شعر طويـل
وبهية تغنى معايا ومعــــــــــــاك والشمس تخش من الشبـــــــــاك
ودموع الفرح تبان ف عيــــــون مشتاقة تشوف الوادى جميـــــــل
......
أمسك فى الثورة ومتسبهـــــــاش ولغير الخالق متوطيــــــــــــــش
متبعش العمر الغالى بــــــــــلاش هانكون أحرار يا نموت يا نعيش
وبروح الثورة فى كل مكـــــــــان خليك فارس حر وإنســـــــــــــان
خلى ضميرك دايما ويــــــــــــاك وإيديك فى إيديّه وما تسبنيـــــــش
......
أمسك فى الثورة ومتسبهــــــــاش هاتلاقى الرزق كتير فى أيديـــــك
ماتسبش شيطان وسواس خنـــاس هو اللى يمشى كلامه عليــــــــــك
سيان من فينا يكون قـــــــــــــــدام دا كفاية أنا وأنت نعيش فى سـلام
وكفايه عليه ف كل صبــــــــــــاح فرحتى والفرح باين فى عنيـــــك
......