فيسبوك
واتساب
بكرة أحلى م النهارده
لو هنبقى يد واحدة
اخطفوا نور النهار
بطلوا كتر المناهدة
اغزلوا التوب الجديد
مصر عايزة المساعدة
ازرعوا الأرض تحدى
تحصدوا نبت المجاهدة
لما إيد الشر بينكم
فى الخفا تقتل مودة
والشيطان دايخ يوسوس
وسوسة بتهد هدة
اصحوا فوقوا ياشباب
فى الودان هنحط سدة
الأمان لابد يرجع
بطلوا فرجة ومشاهدة
لموا إيدكم ويا إيدى
شغلوا ترس المعدة
رجعوا أيام زمان
لما كنا يد واحدة
مجد مصر ف العلالى
لو عقولنا بقت مجدة
رتبوا البيت الكبير
وازرعوا بينا المودة
لو هنرجع إيد فى إيد
بكرة أحلى م النهارده
