فيسبوك
واتساب
جبت الفازة وحطيت مية
ابعت وردك
فجر العيد بيشقشق إصحى
جدد عهدك
استنيتك تيجي ف حضنى
زي عوايدك
وتبوس خدي وتهنينى
وأبوس يدك
أسأل عنك تسأل عنى
واسمع ردك
حتي اخواتك بسألوا عنك
وكمان والدك
ف ودني كلامك والله واحشنى
حتي ف عندك
واحشني هزارك آه من لعبك
آه من جدك
والله ما عاد لك زي يا روحى
ولا فيه ندك
لما فديت يلدك يا حبيبى
سعدنا سعدك
ببعت ليك برسالة واحشنى
اوفي بوعدك
زرني اليوم ف منامي طمنى
الخير عندك
أنا هستني تيجي ف حضنى
زي عوايدك
أول عيد بيعدي عليا
من غير ودك
جبت الفازة وحطيت مية
وناقص وردك
