فيسبوك
واتساب
شيلى دموعك قيدى شموعك * مدى الخطوة تلاقى نهار
شمس تاريخك عادت تانى * قمرك لف الدنـــــيا ودار
مجدك أصبح تانى يغـنى * لما شبابك هب وثــــــار
ورد جناينك فتح عـــوده * حطم كل سنين العــــــار
حطم كل قيود الباطــــل * تلاتين حزن وفقر مرار
كانت شلة لابسه قنــــاع * بايعه ضمير والنية دمار
خنقوا الضحكة جوا حناجرك * خلوا الحلم معاكى ينهار
كانوا يقولوا دى أزهى عصور * كرسى العرش وريث بقرار
كل الصورة كانت شخابيط * مخ العاقل كان محــــتار
خلوا طيور العش تهاجـر * جابوا الأهبل ع الزمار
ترفع صوتك تبقى ضحية * ألفين تهمة وسجن وتار
لما الباطل عدا حـــدوده * حاكم شعب بقيد من نار
قوت أولادك كان منهوب * رشوة فساد تعتيم أخبار
هب شبابك من تحريرك * قال هنصحح كل مسار
جابلك شمسك بعد غياب * وكل رجولة وليها أسرار
خلوا الدنيا تشهد تــــانى * إنى المصريين أحـرار
انس جراح التلاتين حزن * ولسه طريق الحلم خضار
شيلى دموعك قيدى شموعك * مدى الخطوة تلاقى نهار
