محمود مصطفى يكتب: أشبــــــــــاه

قراء...1
الإنسان فى المطلق طيّب
والمخرطة بتعدى عليه
يا بيكمل مشروع إحياؤه
يا بإيده يقرر ينهيه
وأنا ألدغ فى الراء "بيقغغ"
يمكن علشان كده مش قادر؟!
مش عارف أو يمكن فاكر..
إن قلوب الناس ع القِبلة
متوازية وقابلة ومتقابلة
مش فاهم والله ما فاهم..
بالحرف - بمعناها الأوسع -
بالحرف بدوَّر على نفسى
وعشان كده دايما بتكلم
وأنده آخر كل قصيدة
ساتر جسمى بقرص مشبّك..
حرف بحرف
دايما تلقى الجزء الخايف
والمحروق منه ومتعذِّب
أطعم جزء حدود الحرف
شبه الهمزة فى اسم حبيبتك
شبه الضمة فى حضن حبيتك
شبه الكسره وشبه الممنوع م الإعراب
شبه الموت فى قانون الغاب
شبه الكلمة الحلوة وقوله "يا بن الإيه!!"
شبه الكون اللى أنت بتحسب
نفسك قال هتخلل فيه!
.....
بكتب بضميرى المتخاطب
بكتب وبدوّر ع الكاتب
يمكن أسكت يوم ما ألاقيه!