فيسبوك
واتساب
ياللى عايز تبقى ريّــِس = اوعى يوم تخون بلادك
اوعى تلعب فى القانون = أو تجدد عن معـــــادك
هات بطانة تكون أمينة = مش تراضى يادوب ولادك
كن صريحًا والوعد صادق = اوعى النفاق يكسب ودادك
ياللى عايز تبقى ريِّس = الرياسة دى شىء خطـير
دى أمانة ومش هــزار = عايزه واحد فيه ضــمير
شخص جاى يصلح يعمر = مش هَمه يلبس فى الحرير
ينزل يشوف ألم المواطن = ويبقى حاسس بالفـــقير
ياللى عايز تبقى ريِّس = بص شوف مين فى السجون
اوعى تخدعنا بعهودك = اوعى تظلم مين يكـــون
أو تقول الشعب نايـــم = أو هغميله العيــــــــــون
الوطن دا ترابه طاهر = مش هيقبل مين يخـــون
ميدان التحرير
