فيسبوك
واتساب
يا أم الشهيد صهللى..
على الهتاف وانجلى..
ابنك ما مات واندفن..
ابنك شهيد الوطن..
ابنك مقامه عِلى..
يا ام الشهيد صهللى..
على الهتاف وانجلى..
ابنك فى جنة والنبى..
بيبشرك سيدنا النبى..
رزقه معاه ما انقطع..
نوره ف سماه والله سطع..
ابنك مقامه عِلى..
يا ام الشهيد صهللى..
على الهتاف وانجلى..
سافر عشانا كلنا..
نحيا ف كرامة وف هنا..
نرفع رؤوسنا للسما..
ضحى بحياته بالدما..
ابنك مقامه عِلى..
يا ام الشهيد صهللى..
على الهتاف وانجلى..
اوعى دموعك ف العيون..
أوعى صراخك راح يكون..
ابنك ف جنة ف الهنا..
باصص علينا كلنا..
فرحان مزقطط زينا..
ابنك مقامه عِلى..
يا ام الشهيد صهللى..
على الهتاف وانجلى.
