فيسبوك
واتساب
يا أول رمضان بعد الثوره ودى أول سنه
يا شهر الغفران تحية ليك من قلبى أنا
أصوم نهارك والمغرب أفطر بالهنا
على صوت مدفع الفطور
يا أول رمضان بعد الثوره وبعد مبارك
بستناك تجينى كل سنة مره يا شهر يا مبارك
بدعى ربنا من قلبى أنجح ف اختبارك
يا أجمل الشهور
يا أول رمضان بعد الثوره وفانوس يناير
متعلق ف شارعنا والصبيان بيزينوا العماير
يا شهر الرحمة والغفران يا شهر البشاير
والأجر فيك عظيم
يا أول رمضان بعد الثوره مع بداية عهد جديد
فرحتى بقدومك فرحة قدوم العيد
يا شهر ليك طعم غير باقى الشهور فريد
كل سنة وأنت كريم
