نفسى أكتب نفسى أقول
شبعنا فقر زهقنا فول
ليل الغلابة ليه يطول؟!
ولو تكلم ياكله غول
نفسى أكتب بس خايف
قلبى شبعاه الرجايف
نفسى أصرخ كالنسور
أكتب بدمى فوق السطور
وأحلف بالله إنى شايف
الدولار قتل الجنيه
والسولار نبكى عليه
والفقير طالعه عينيه
والسفيه بقى هوَّا بيه
وسيادنا نايمين فى المصايف
يا كلوا كافياربالقطايف
والطمع مالى عينيهم
والفلوس تجرى ف إيديهم
وبكل صمت ومن سكوت
يهربوا بالبنكنوت
واللى يرفع أى صوت
امسكوه لازم يموت
لا لا بلاش يموت
أصل موته فيه خسارة
دا جرىء مليان جسارة
سنين أبوه سوده وغبره
خلوه يبقى لغيره عبره
دمروه شردوه مصوا دمه
حطموا خاله وعمه
احرقوا قلب أمه
ارفضوه من كل شغله
خلوا شىء دايما ًيشاغله
يمشى جنب الحيط يفوت
هلفوت
مشغول يادوب يلاقى قوت
جننوه خلوا عقله يبقى هايف
يبقى عبره للرجايف
للى يرفع أى صوت
مشاركة
اضف تعليقاً واقرأ تعليقات القراء
مشاركة
