لما شفتك فى القفص
حسيت بفرحه جوه منى
وقلبى جوايا رقص
حسيت بحكمة ربنا
وباللى شفناه فى القصص
إن اللى يفسد م البشر
ربك بيديلوا الفرص
وإن زاد فساده وانتشر
فجأه تضيع منه الفرص
ويلقى الهلاك هوه الملاذ
واللى اتظلم هوه اللى فاز
دا بعد ظلمه باجتياز
جالوا وقته واتقرص
كام مصرى قولى فى عهدك أنت مات شهيد
واللى عاش عيشته ليه عيشت العبيد
واللى يصرخ م العذاب .. يصرخ ما يصرخ أيه يفيد
واللى مش عاجبه جنابك .. ويقوله كلمه وهوه مش عامل حسابك
يبقى ياويله من عذابك .. لأنه مش عارفك أكيد
ياما حاولنا نقولك إرجع
القسوه ع المخاليق بتوجع
ولا همك .. ولا اتحرك كده دمك
وعشت تسقينا فى سمك ..
بقلب جامد وعقل كان دايما عنيد
لحد ما عشنا يناير ..
وشيلنا بأيدنا الستاير
وصوت الحق بقى اللى صاير
واتولدنا من جديد
جاى دلوقتى تقول
أنا اتغيبت .. وكنت من فتره بعيد
دا عذر ده ؟!
دا أقبح ذنب إنت عملته ضيعت بيه حق العبيد
دوق مرار الكاس
وكمل حياتك بالألم
وخلى كل الناس تدعى عليك واللى اتظلم
يشفى غليله .. واندم ما تندم ..
ماعدتش هيفيد الندم
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
مامى
كلامك جميل
عدد الردود 0
بواسطة:
عبداللطيف أحمد فؤاد
فرحان ليه بس يا نصار
اللهم ما لا شماتة وربنا يفك سجنه ده برضه له تاريخ
عدد الردود 0
بواسطة:
مسلم مصرى عربى
مسلم مصرى عربى
عدد الردود 0
بواسطة:
gdgn
لا للشماته
عدد الردود 0
بواسطة:
محمد يحيى محمد ربيع
حسبى الله ونعمه الوكيل
عدد الردود 0
بواسطة:
محمد صالح
يا سلام
الله عليك يا أستاذ خالد كلامك صحيح وفي الحون
عدد الردود 0
بواسطة:
أحمد سيد
لا تظلم من ظلمك ولاتخن من خانك
عدد الردود 0
بواسطة:
elsayedshoman
ارحمو
ارحموا عزيز قوم ذل اللهم لا شماته
عدد الردود 0
بواسطة:
السيد امين تركى
ده اسمه قصاص لحق الشعب
عدد الردود 0
بواسطة:
مصري
عقبالك انت كمان