رامى الجندى يكتب: بحبك موووت

ناس بتعيش وناس بتمووت.. وناس عايشة وساكتة وناس عايشة بالنبوت.. وناس مش لاقية الفول وناس غرقانة فى التوت.. طب والإنسان أجمل مخلوق فى الأرض اللى إنتى عملتيه هلفوت.. اللى من الظلم والفقر والجوع بيموووت.. دا بيفضل عمره كله بيدور ع الحياة وفى الآخر يلاقيهااا تابووت!!!! ما إنتى عااارفة الزمن بيجرى زى القطر اللى بيقول توت توت.. ولا إنتى متعرفيش إن لسه فيكى عنكبوووت.. فاارد خيوطه ماسك لسان الخلق والنهاية مفيش صوووت.. هس بس كفاااية كده إنتى ليه مش شايفة كل ده عاملة فيها مش هنا شوية ساعة ظهرية فى الزحمة والاشارات والميكروباصات والعربيات دا غير التكيفات و الوقفة بالساعات والتحرش اللى بيحصل فى الموصلات ياااالا ماعلينا المهم اكلمك ع الشوارع والنظافة دا غير حال السوق والشغل ولا اقولك بلاش اضافة اه بلاش احسن انتى بتزعلى من الحقيقة والحقيقة ان فى ناس بتعيش وناااااااااااااااااس بتموت اما انا بقى الهلفوووت وانتى اللى خلتينى هلفوت والله لو مش عيب انا كنت رائعت بالصوووووت بس اعمل ايه بحبك مووووووووووووووووت