سيد أحمد الهمشرى يكتب: طال انتظارى

طال انتظارى وأنا واقف على الجلســــــــــات
نفسى أشوف متهم واخد عشر سنـــــــــــــوات
ونفسى أشوف اللى قاتل فى الحبال مشنــــــوق
ونفسى أشوف اللى ناهب خد عشر رصاصات
…...
طال انتظارى ولسه العمدة بالتعييـــــــــــــــــن
ولسه شيخ البلد مغرور وكرشه سميـــــــــــــن
حتى المحافظ بييجى بالقرار من فـــــــــــــــوق
وقولنا عيب الخداع لكن تقول يا ميــــــــــــــن
...…
لسه فلول النظام بيبهدلوا فيــــــــــــــــــــــــــــه
وغيروا اسمهم لكن الوشوش هيـــــــــــــــــــــه
وغيروا وبدلوا يا دوب أماكنهــــــــــــــــــــــــم
وشالوا عشرين حنش وسابولى ميت حيــــــــــه
…...
خايف يكون العذاب مكتوب على جبينـــــــــــى
علشان رفعت العلم ضاعت فداه عينــــــــــــــى
وأخويا مات فى الميدان قالوا مامتش شهيــــــــد
يارب لجل النبى قادر تنجينــــــــــــــــــــــــــــى