أيمن خليل يكتب: أحكم بحكم شديد على الخاين الغدار

أيه رأيكم كلكم راح أقول كــــلام فاضــــى
من مدة عاوز أقوله وبجــــد مش فاضــــى
واحد حبيبى قــــوى باعــــت بيسألنــــــــى
أيه اللـى راح تعمــــله لو عيـــــنوك قاضى
رديت عليه قلت له أحكم بسجـــــن شــــديد
ع المجرم اللى أمر بقــــتل ألـــف شـــــهيد
وباع ف خــــير البـــــلد لأعــــدى أعدائنــا
وقبض سيادته التمن.. فيلل.. قصور ورصيد
أحــكم بحــــكم شــــديدعلى الخاين الغــدار
اللى بجهـــله وعنده حـــــول عمارنا دمــار
ونظام رئاسة الــــــبلد أصبح نظام فاســـــد
وجاب حكومة ف عــــهده عصابة م التجار
أحكم بحـــــكم شـــديد يبرد قلــــوب ملايين
شافت ف عهده المرار والجوع سنين وسنين
وبقى رغيف العيش من ضـــــــمن أحلامنا
وظهر كمان الوريث لتلاتين سنة جـــــايين
أحكم بحــــكم شديد من غـــــير م استفـــتى
وأبعت ورق القرار لفضـــــيلة المفتــــــــى
وأنهى بحكمى القضـــية فى جلستى الأولى
وآخد بتار الشهيد.. ابن أخــــــويا وأختــــى