أحمد عبد الموجود الشيخ يكتب: علبة ألوان

ف ليل لا أنا عارف ضلام ولا نور
حزين والضحكة لىّ رافضة تزور
حاولت أعبر بأحساسى ف كراسى
لـكـنى مـــش لاقـــيله سطور
شـايف نـاس وشـوش بــتدور
الصـــبح نور فتــح عنين عصفور
راجـل غلبان فتــح الدكان
مستنــى رزق ربنـا الحــنان
ف أيــديـــه رعــشـة كـــبر ســن
بـــس قلــبه مليــان إيــــمان
ســـت بتـــبيــع الخـــضار وتــئن
ونفســـها تجـــيب لابنـــها ألـــوان
أصــــحابه ف المـــدرسة يبـــكوه
يـــرجع يــشكـــى لأمــــه وأبـــوه
أبوه دور ف دكانه على علبة لألوانه
وأمــه تـســح دمـــــوع عــــلشـــانه
قالـــها يامه عاوز حـــتة لــون واحد
أرســم بــيه شــجرة بتسبح الــــواحد
حلــمه كــله كــان لــون ف كراس
ولا داخله رحمة بين ضلوع الناس
رســـم الـولد رسمه بلــون فــردى
رســـم وردة مدهــونة لــون وردى
عملوا مسابقة رسم تعذيبى حزنان
الــولد طــلع أول فــاز بعـلبة ألوان
___________________