فيسبوك
واتساب
لازم تعرف إن ولائى لوطــنى حقيــقى
ولازم تعرف إن طريـق الحـق طريـقى
وأن طريقـك هـُوا طريـقى
وأنت أخويا.. أخويا شقيقى
***
أمـِّــنا مصـر وأبونــا النيــل
وتاريخنـا فى وطنــَّا طويـل
وكفاحنـــا من أجلـــه دليــل
ديـنى أنا قبـطى، وطبعاً مصـرى
ومصرى وبس
ودينــك مسـلم... طبعــاً مصـرى
ومصرى وبس
لا بتحويـر ولا بتزويـر
ولا بالزق ولا بالعافية
بالجغرافيـة
عِـلـْـم حقيـقى
أنـا أفريــقى وأنـت أفريــقى
وأنت أخويـا.. أخويـا شقيقى
***
راح أحكيــلك مَثـــَــل إنسـانى
فريق بريطانى وفريق أسبانى
هجروا بلادهم
عبـروا البحـر اكتشفوا أمريـكا
استوطنـوا فيـها وعَمـَّروا فيـها
وزَرَعـُوا وبَدَعـُوا
ورسموا وصنعوا
ملاييــن مصنـع... أو فابريـكا
بغـَضِّ الطـَرْف عن البوليتيـكا
هل أولادهــم بقـوا بريطــان؟
وهل أحفــادهم بقـوا أسبــان؟؟
طبــــعاً لأ
***
فيها المَجـَـرى وفيها الصينى
وفيها مكسيكى وفيها فيليبينى
وفيها روس ويابــان وهنــود
ومسيحيين وعـــرب ويهــود
كل مواطـــن.. كل مواطـــن
كل مواطــن صـار أمريكى
وبس أمريكى
***
هل علشـان.. دينــك إسـلام، بقيـت عربى؟
طب لو صينى اتحـَول مسلم، يبقى عربى؟
ولو صهيـونى اتحـَول مسلم، يبقى عربى؟
قـول الحـق!
طبـــــعاً لأ
والا عشـان.. بتحكى عربى، بقيـت عربى؟
طـَب لو صينى اتعَلـِّم عربى، يبقى عربى؟
ولو صهيـونى اتكلــَّم عربى، يبقى عربى؟
قـول الحـق!
طبـــــعاً لأ
والا عشـان غــَزُِونا العَرَب، بقيـت عربى؟
طـَب ما احتلــُّونا يونـان ورومـان وبريطان
هل نقـدر
نقـول احنـا جريـك أو طليـان أو بريطـان؟
قـول الحق!
طبــــعاً لأ
***
أمـّـا الأديــان!!
بركـة ونعمـة وخيــر وإيمـان
للإنســـان
الأديــان.. نـــور لمواطـن... وللأوطـان
ليه نعملـها سـبب للفـُرقـة وبـاب للنحـس
أنـت مصرى ومصرى وبَس
وأنـا مصرى ومصرى وبَس
وكفاية المُغرض فتــنة ودَس
***
قـول كام دولـة فى دُوَل العـالـَم
ناسـهم تحكى بلسـان واحـد
ومعظمهم على ديـن واحـد
بس وفــاء الفـــرد لوَطــَنـُه
يفخـَـر بيــه ويرفـع شـَـأنـُه
***
إحنا إزاى بالمستعمِر نقـدر نفخـَـر
دا إحنا نبـقى بمصر بنكفـَـر
نبـقى بنشـْرِك نبـقى بنغـْـدُر
عصر الجهل عـَـدى وفـات
وأنـا وأنـت عمرنـا إخـوات
تتبـع شيــخ.. واتبـع قسيـس
من غيـر فلســفة أو تدليــس
إحنـا أولاد ميـــنا ورمسيس
إن كان على دينـك، ما تسيبهـوش
وإن كان ع الــرب، ما تهملهـوش
لكن وطنــك افخـَـر بيـه
وطنك اللى بتاكل منه وعايش فيه
وطنـك بيتـك تخلص ليـه
ولا تشـرك فيـه
***
خلـّى ولاءنا لمصر، وبس
فـلا رومـان ولا هكسوس
ولا بـلاد أكلــــها السـوس
لا غـربيــة.. ولا عـربيــة
لا من آسـيا ولا بلاد تانيـة
هـِى دى... روح الوطنيـة
مصـر أعظم من أعظمهم
مش تزويـر.. بل بجـدارة
ليها تاريخ رائع وحضارة
مصـر منـــارة
دايمـاً شـعلة للحريـة
مصر قـلعـة أفريقيـة
لقبـطى ومسـلم ومِلـَـل تانيـة
***
منذ البـدء لو تتصَـوَّر
لو حتــدَوَّر
مصـر مكانـها ما عُمـره اتغيـَّـر
فى الجغرافيـا
تــاج أفـريقيـا
***
من أعماق روحى ومن قلبى
وحيــاة مصر
وحيــاة ربـِّى
أنـا باحــاول ألمــس عقلـــك
أنـا باحــاول أكســب قـلبـــك
أنـا أفريــقى وأنــت أفريــقى
وأنـت أخويـا.. أخويـا شقيقى
ونفس طريقـك هـُوّ طريـقى
صورة أرشيفية
