فيسبوك
واتساب
يا مصر يا أم الهــــرم همـــــــا ولادك دول
اللى بقى فعلهـــــــــــم أكتر كتير م القـــول
وأديكى شوفتى الفدائى (أحمد الشحـــــــات)
إزاى طلع للعلــــــــــم لأجل الغمامة تـزول
......
يا مصر كل الــــــولاد حالفين على حبـــك
يا حتة من قلبهــــــــــم وهما حتة من قلبـك
أديكى شوفتى بعنيكــى (أحمد الشحـــــــات)
من قبل ما تطلبيــــــــه لقتيه هنا جنبــــــــك
......
يا مصر قومى افرحـى ماتدمعيش تانـــــــى
يا مالكه قلبـــــــــــــــى ومالكه كل وجدانـى
شوفتى يا مصر الفدائى (أحمد الشحـــــــات)
لما سمع ندهتــــــــــــك قال أمى عايزانـــــى
......
طلع بروحه ينـــــــوب عن حب ميت مليــون
همّ خلاصة البشـــــــر وهمّ عطر الكــــــون
وكلهم فى هواكـــــــــى (أحمد الشحـــــــات)
عاشقين ترابـــــــــــــك وكُله فى هواكى يهون
......
الله عليك يا ولــــــــــــد يا حر يا عايـــــــــــق
والله علم إسرائيـــــــــل كان شكله بيضايـــــق
نزعه وفرح قلوبنــــــــا (أحمد الشحـــــــــات)
أصل العلم فوق سمانـــا شكله مش لايـــــــــــق
......
