أول شرار غضب *** من بعد ظلم سنين
على حكم طال واغتصب *** من شعبه مال وطين
ثورة ولادنا علم *** أحفاد صلاح الدين
لما شبابنا اعتصم *** أتلم له ملايين
هتفوا بأعلى صوت *** إحنا هنا قاعدين
جوه الميدان والطلب *** وأحد ملوش اتنين
أرحل ودوق الندم *** والطم على الخدين
خليت حياتنا عدم *** بعد السنة التلاتين
فرعون وحاشية وخدم *** ماعرفش جولنا منين
خلوا الضمير انعدم *** وملونا خوف وأنين
أولاد جمال التزم *** دورهم على الخارجين
على كل واحد نهب *** باسم الوظيفة سنين
شعب وشورى وطوارئ *** وأمن دولة لعين
نسبوا إلينا التهم *** وبقينا مش عارفين
إحنا ولاد البلد *** ولا إحنا محتلين
هجموا بخيول وجمل *** وشوية م المساجين
وجت مطافى ترش *** وتغرق الساجدين
ولما نالوا الفشل *** بصمود شباب واعيين
سقط النظام وامتثل *** للثورة بالتمكين
مشاركة
اضف تعليقاً واقرأ تعليقات القراء
مشاركة
