بعد العمر دا كله ماعدى
وعشت سنينى
جاى دلوقتى أفكر تانى
مين يحمينى
لما الشعب يخاف وف بيته
ويقول نَفْسِى وهَمْى كافينى
وينسى الأرض المزروع فيها
وينسى معاها وطنى ودينى
.......................
بعد ماقامت الثورة فِرحنا
وعشنا فى وسط ميدان و ارتحنا
ونسينا جار للشر دبحنا
قاعدين بس نشوف فى محاكمة
ونقول جيشنا لازم يصالحنا
يوم ورا يوم مطالب ونَْعبِي
ونقول يالا شوف مصالحنا
.........................
يفضل جيشنا جوة بلدنا
وبنى صهيون انتهزوا الفرصة
وف ليلة واحدة فتحوا جروحنا
شوفوا كام دابحين فى ولادنا
إوعى تقول كان بينا عهود
من غير قوة ينسوا عهودنا
مِ الأيام لازم نتعلم
واقفين زى تتار لحدودنا
يدخلوا سينا ياخدوا الرملة
وياخدوا الزرعة
يهدوا المدنة
..............................
و احنا هنا نايمين فى ميدان
يبقى هتصحى
وللا أحكى كمان
خد لك حكمة من القرآن
يا للا كفاية
إحنا بجيشنا نعيش فى أمان
الجيش يحمى مصر الغالية
وإحنا إيدينا فى إيدين بعض
إيد واحدة ..
اشهد يا زمان
............................
خللى شعارنا
مصر أهم ...
مصر أهم ...
مصر أهم ...
مصر دايماً شايله الهم
بلدك - وطنك
بيها إهتم
اسمع .. إقرا
فكر .. قرر
شوف مين اللى يعيش أكتر
.... طبعا مصر
إوعى تقول
أنا نفسى وبس
قوم استغفر ....
مصر حبيبتك
أرضك .. عرضك
وطنك عايش أبد الدهر
بالحرية وبالوطنية
تِعْلَىَ معاك من نصر لنصر
وتعيش مصر
وتعيش مصر
مشاركة
اضف تعليقاً واقرأ تعليقات القراء
مشاركة
