فيسبوك
واتساب
أنا مصرى وليكى بثور
دا ترابك مسك بخور
لو شفتك مره بتبكى
مجروحة حزينه بتشكى
أنا دمى بسرعه يفور
أنا مصرى وليكى بثور
**
أنا عاشق ليكى ودايب
داهواكى كله عجايب
حضنك بيداوى جروحى
بلسم بيطيـِّـب روحى
وبعيدك ما ألقى حبايب
أنا مصرى وليكى بثور
**
أنا عاشق ليكى بغنى
شايلك فى العين والننى
لومره تعوزى وليدك
دمى تلقيه فى وريدك
وأقول يا حبيبتى اتمنى
أنا عاشق ليكى بغنى
أنا مصرى وليكى بثور
علم مصر
