فيسبوك
واتساب
أنا ممكن اعمل أى حاجة
وأشوف قناديل الرضا تنور عيونك
أنا مستعد أحيا فى موتى
والمهم تكونى راضية
ويلعن اللى فى يوم يخونك
حبيبتى مالك؟؟!
الرضا شايفه مجافيكى
حتى الأمان مابقيتش احسه
بين إيديكى
مابقيتش فاهم أى حاجة!
مين معاكى؟، ومين عليكى؟
فماتزعليش إنى فى بيتى
أنا كل خوفى إنى اجى واخدم
ألقى نفسى بدبحك
وأنا اللى قصدى كنت أصونك
_ يحميكى ربى
ويجعلك صلبة ف حصونك-
مابقيتش فاهم أى حاجة!
فهيبقى صمتى....
لحين ماتنوى تقررى
مين اللى كان...
كان كل همه ينصرك
وتميزى...
بينه وبين كل اللى حاول يكسرك
ويجيب نهايتك قبل كونك
مابقيتش فاهم أى حاجة!
خفى عنى حمول ظنونك
ماتغيريش جلدك ولونك
نهر النيل
