رامى محمد زين يكتب: يا ثوره بالألوان

ياثورة بالألوان
فرحتينا
وبثورة قامت زمان
فكرتينا
شوفت فيكى مسلم واقف جنب مسيحى
وشوفتك يا دولة الظلم بتسيحى
وشوفت فيكى مصر كلها
واقفة جنب منى وف ريحى
شوفت ناس كتير من زمان
ما شفتهاش.. واقفة جنب منى ف الميدان
وناس كتير رافعة أعلام
والكل بينادى بصوت واحد
حرية.. ديمقراطية.. عدالة اجتماعية
شفت فيكى الفلول والبلطجية
ومصر واقفة لجان شعبية
والكل من اللى جنبه باله واخد
صرخ فيكى الصوت اللى انكتم سنين
واتقطع فيكى الصوت واتحبس السجانين
ولأنى يا ثورة من المصريين
كنت كتير فرحان
شجعنى أقوم بيكى جيرانى اللى جنبى
وشوفت ف لياليكى ثورة قامت زمان ف بلدى
طلّعت وقولت فيكى كل اللى كان ف قلبى
يا ثورة بالألوان