الشوارع لسه فيها النبض صاحى
رغم أوجاعى وجراحى
رغم موت الحلم فيَّا
رغم ضيق الكون عليَّا
بلقى فيها ساعات براحى
الشوارع جاية تعلن رفضها
والبنية أم العيون المستحية
صوت ملايكى بيناديها
جاى يضم الحلم فيها
بنت كانت زى زهرة
مالى كل الكون شذاها
راسمة ضحكتها لبكره
والعبير ضاحك معاها
قام قطفها وحش كاسر
راح ضميرها هب ثار
أعلن العصان نداها
لسا أخضر والله عودها
مستواش عناب خدودها
ليه ديابتنا كلوها؟!
واغتالونا واغتالوها؟!
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
Abdellatif Ahmed Fouad
حلو الشعر
حلو القصيدة واصطباحة حلوة
عدد الردود 0
بواسطة:
رحمه رجب
لسا بخير
عدد الردود 0
بواسطة:
هادي
كالعادة
عدد الردود 0
بواسطة:
skhindawi
ايه الجمال ده