سيد أحمد الهمشرى يكتب:دار الزمان

دار الزمان وابتدى يعدل موازينـــــــــــه
فرعون ظهر فى القفص ملهى على عينه
نايم ممدد تابوته مرتبه ولحـــــــــــــــاف
ييجى يشوفوه اللى كانوا معاه وحسدينــــه
...
دار الزمان والقفص جمع ولاده معــــــاه
لا نفعه (عادلى) ولا نفعه لا مال ولا جاه
قادر إلاهنا عظيم يمهل ولا يهمـــــــــــل
كل اللى شاف القفص آمن بعــــــــدل الله
...
دار الزمان واتعدل وإدا لحسنى قفـــــــاه
من بعد تلاتين سنة واحنا بنستنــــــــــــاه
الصبر طال والزمن جالنا فى مواعيــــده
فرّح قلوبنا وفرّحنا بنصــــــــــر الله
...
دار الزمان واتعدل بإيدين ولاد بلـــــــدى
بدم ألفين شهيد وعزيمة وتحـــــــــــــــدى
وشباب جريح جرحهم فى عنيه وفى قلبى
عدل ميزانه الزمان وأخد بتار ولــــــــدى
...
دار الزمان والزمان قادر وله أحكـــــــام
نافذة على الجبارين والقادة والحكــــــــام
للزمن دايما حالات ياما بيغير حاجــات
ياما فى كتاب الزمن شوفنا وقرينا كــلام
...