سيد أحمد الهمشرى يكتب: الجزاء من جنس العمل

ضاقت عليك دنيتــــــــــك لما بقت متريــــــــــــــن
وبعد قصر وحشــــــــــــم بقيت مع المساجيــــــــن
ظلمت ليه العبـــــــــــــــاد و جنيت على روحــك؟
عامل مريض فى القفـص! لكن مريض على ميــن؟
......
خربت ليه دنيتــــــــــــــك و جنيت على نفســــــــك
لا ( العادلى ) نفـــــــع ولا نفعك حشود حرســـــــك
لا المال فى وقت الحسـاب ينفـــــــــــــع ولا الأولاد
ولا ناس كتير بهدلـــــــــت فينا على حســـــــــــــــك
......
ضيعت خير البلــــــــــــــد على شلة المحاسيـــــــب
وقتلت ناس عضمهـــــــــم كان باقى فى السراديـب
لازم يكون الجــــــــــــزاء من جنس أعمالــــــــــك
ويوم قصاص الإلــــــــــــه راح يعمل ايه ( الديـب)
......
لا (الديب) ها ينفـــــع ولا نافعك يا (حسنى) أسود
ظلمك لنا وصلـــــــــــــــك عند السنين الســـــــــــود
دخلت باب القفـــــــــــــص انت و(علاء و جمـــال)
وقولت داخل القفــــــــــص أنا هنا موجــــــــــــــــود
......
معادتش تنفع لكـــــــــــــــم توبه ولا استغفـــــــــــــار
اللى ف ايديهم السمــــــــاح فى مدافن الأحــــــــــــرار
روح هات جواب منهـــــــم ويقولوا فيه سمحـــــــــوك
يا تروح على المشنقـــــــــة و بعدين تروح النــــــــــار